Law In Doctor of Jurisprudence A Kai Liomi Harmon Lian Nih Minthatnak Award Phunhnih A Hmuh
The Chinland Post| 2019 April 24| Indiana University Robert H. McKinney School of Law ah Doctor of Jurisprudence (J.D.) a kai lio mi Harmon Lian nih a sianginn kainak ah minthatnak award phun hnih a hmuh tiah kan theih.
Harmon Lian nih a sianginn nih pekmi minthat laksawng (award) phunhnih a hmuhmi cu “John Paul Berlon Pro Bono Service Award” le “Gold Norman Lefstein Award” an si.
Law School students 200 leng chungin mi harsa bawmhnak rian suimilam 50 asiloah 100 in 200 leng a tuanmi hna kha Bronze, Silver, Gold Award tiah laksawng minung 30 tluk pek an si. Harmon Lian cu Gold Norman Lefstein Award a hmuh.
Cu pinah an Sianginn pumpi ah minung pakhat lawng nih hmuhmi, a sang bikmi, “John Paul Berlon Pro Bono Service Award” a hmuh chap rih.
Harmon Lian hi CYONA Education Committee ah 2018 tiang rian a tuanmi a si. Chin Mino hna caah zohchunh tlak le kan miphun hmai hngaltertu a si caah CYONA nih kan lawmhpi tiah Chin Youth Organization of North America nih an facebook page ah an thanh.
Ref: CYONA facebook
About The Author
