Lawngtlai Hlukhla Puai Tuahmi Ah Sound System Nih Paling Hla A Chei Lo

0

Salai Elvis| 2018 March 4| Mizoram Lawngtlai ah tuahmi Hlukhla puai ah Hakha in Rap Hlasak thiam Paling an sawm i Lawngtlai (LADC Area) sound system nih Paling hla a chei lo tiah theih a si.

“Sound system tawlreltu lei tlamtlinh lo ruang maw a si hnga Sound System tha a um lo ca dek a si hnga? Music le hla aw fiangfai in theih khawh a si lo nak le a cher deuh. Cu pinah amah Paling hrimhrim zong nih a saduhthah tluk cun Sound system lei ah a duh a tlin lo deuh nak tlawmpal a um ti a chim. Halkha panh in a tlun lei ah Pangkhua Branch YLA tawlrelnak in Concert tuahpiak than a si. Cu ah cun Hla pakhat a sak dih hlan ah Sound mixture nih celh loin Sound Box 3-5 a kangh dih than caah suimilam pakhat deng hlasa kho loin a um. Music tello tal in sa ning a ti i hla pakhat cu a sakpiak than hna. Pangkhua YLA an thekvak a tha i rianrang in Sangau – 3 Sound Box pakhat an va lak i cu hmang cun zan suimilam 9 hlan deuh teah Concert cu thawk than a si. Cu zong nih cun Box khat lawng a si caah duh ningin a tlinh kho taktak lo” tiah Mizoram Sangau khua hrambunh The Phongpi Post nih a tial.

Hlukhla Puai cu 2018 February 28 ni Lawngtlai ah sunglawi ngai  in an tuah. Hi Hlukhla puai hlasak ding ah ramchung in Chin rapper hlasak thiam Pa Ling an sawm hi a si. Paling hi Mizoram khuasa, Chin miphun nih atu lawng si lo in kumdang zong ah hlasak hi voi thumli an sawm bal cang tiah kan theih.
Ref: The Phongpi Post/ Photo Credit: Paling private facebook

About The Author

Na ruahning rak langhter ve.. (Leave a comment)

%d bloggers like this: