Laykaykaw hmunhma ah hmun a khuarmi ralhrang pawl hnukir dingin KNU nih ralrinnak a pek

The Chinland Post | 2022 March 9 – Karen National Union (KNU), Doopla ramṭhen, No.6 Battalion hmunhma ah umnak a khuarmi ralhrang pawl nih March 10 a hnu bik riikhiah in hnukir dingah KNU Battalion 6 nih ralrinnak ca March 7 ah a chuah.

2021, December 15 thokin ralhrang pawl nih kahdohnak a thok ruangah nichuah lei Donna ah a ummi Laykaykaw khuathar telh in a pawngkam khua pawl, nitlak lei Donna le chaklei Kawkareik ah a ummi khuami hna an zaam dih caah cu hmunhma hna ah ralhrang nih ummnak an i khuar i mipi thilri fir le hrawhpiak an hman caah khuami hna tuni tiang inn ah an kir ngam ti lo.

KNU nih Karen mipi hna tonmi harnak le ngeihchiah chawva himnak pek dingin rian kan ngei i ralhrang nih cathanh a chuahni thokin nithum chungah cuka hmunhma pawl in chuak dingin ralrinnak a pek hna. Riikhiahmi caan chungah an chuah lo ahcun hmailei a cangmi thil cungah SAC nih rian nan ngei lai tiah a thanh.

Ralrinnak cathanh cu Mon ram, Mawlamyine ah a ummi nichuah lei Military Headquarter i tai-hmu sin ah an kuat tiah theih a si.

Na ruahning rak langhter ve.. (Leave a comment)

%d bloggers like this: