Laykaykaw kahdohnak ah SAC battalion 44 in Captain 1 an tlaih
The Chinland Post | 2022 April 11 – Karen ram, Laykaykaw khuathar ah KNLA phukomh hna le SAC ralkap cu April 10 ah kahdohnak a chuak. Cu kahdohnak ahcun, SAC ralkap Captain 1 kan tlaih khawh tiah NUG thawngthanhnak PVTV nih a langhter.
KNU battalion 6 hmunhma Laykaykaw sang hna ah KNLA phukomh hna le SAC ralkap karlak ah April 10 zing sml 3:30am hrawng in kahdohnak a chuah hi a si tiah PVTV nih a langhter.
Cobra hruaimi KNLA phukomh hna le SAC karlak ah kahdohnak a chuah hi a si I CDM a tuahmi ralkap cheukhat zong an i tel tiah theih a si.
Kahdohnak ah SAC ralkap a thimi an tam i battalion 44 in Captain pakhat a nung in tlaih a si leng ah hriam le kuan cheukhat zong chuh khawh a si tiah theih a si.
SAC ralkap nih vanlawng hmang in kahdohnak a tuah tiah theih chap a si.