Loikaw ah hriamngan nih a khen caah hngakchia 3 a hmunhma ah an thi colh

0

The Chinland Post | 2022 March 9 – Karenni ram, Loikaw peng, Lwehtwe khua chungah March 8 chun hrawngah ralhrang nih hriamngan a kahmi a puak i hngakchia 3 a hmunhma ah an thi colh tiah Loikaw peng hriamtlai phu nih RFA ah an chim.

Cu hmun ah kahdohnak um loin ralhrang nih kahthlorh in an kah mi a si tiah PDF hrimtlai pakhat Jocker nih a chim. Hngakchia pawl lente an i celhnak hmunhma ah hriamngan a tlak hi a si tiah a chim.

“An chungkhar pawl inn ah an um lio a si. Hngakchia hna cu thingkung tangah lente an i celh lio ah hriamngan a tla i hngakchia 4 le upa pakhat hriamngan ci nih a peh hna i hngakchia pathum cu a hmunhma ah an thi colh”.

A thimi hi kum 10 tang hngakchia an si. Hriamngan a tlaknak a pawng ah ummi U Hla Htun le kum 15 hngakchia nu pakhat zong  hliamhma an pu tiah PDF hriamtlai pakhat nih a chim.

Loikaw peng chung, Lwehtwe, 3miles, Pakye, Mawchi khua hna cu a luancia July in September thla tiang kahdohnak fak piin a chuahnak hmunhma i khuami pawl cu an zaam dih.

Daihhram aa thok bakin khua chungah mipi pawl an kir lio ah a tu bantuk in hriamngan an kah hi a si.

Ralhrang nih hramhram in uknak a lak hnu ah, Karenni peng chung kahdohnak pawl ruangah mipi 221 an thi tiah Progressive Karenni People Force (PKPF) nih March 2 ah cathanh a chuah.

Ref: RFA

About The Author

Na ruahning rak langhter ve.. (Leave a comment)

%d bloggers like this: