Lothlo Dirhmun Kaltak In Cinthlak Lei Thazaang Chuah Cang Hna U Sih: Pu Zo Bawi

CungCung |2019 July 29| Chin ramkulh ah kumkhat voikhat thial tak in tuah mi Lothlo rian cu that hnenhnak tampi a chuah pi tuk lo pin ah pawngkam thingram zong an hrawh dih hna caah zungzal in cintlaknak lei tu pawcawm nak rian tu ah thazaang chuah dingin Chin ramkulh Hluttaw Chairman Pu Zo Bawi nih mizapi hna sin ah thazaang peknak a ngeih hna tiah kan theih.

“ Chin ramkulh ah pupa chan in kumkhat voikhat hmun thial in tuah mi Lo thlo rian hi an rak tuan tawn. Cu kumkhat voikhat tuah mi Lo an tuah mi ah cun Fungvai hna an rak cin. Fungvui Ekah pakhat cin mi nih kumkhat ah tangka ks. Sing 1 le Sin 2 tluk hmanh an ngah lo. Tu lio Chin ramkullh cozah nih lam le sul lei hi papek in an tuan lio pi a si caah Lothlo pawl nih cintlaknak lei  thlen  ter ding ah rian kan tuan kho rih lo nain lam le sul pehtlaihnak a thancho chin lengmang cang caah cintlaknak lei zong rian tuan hram kan thawk pah cang lai.” tiah Chin ramkulh Hluttaw Speaker nih a chim.

Atu lio Hluttaw Speaker  nih  Chin ramkulh Minister Quarter’s umnak a inn hmai ah mizapi nih i cawn ve hna seh law tuah cio hna seh ti saduhthah nak he Misur zong a cin i a tlai tha ngai. Chin ramkulh thlanglei Laitlang Mindat le Paletwa peng hna ah cun cintlaknak hi pawcawmnak caah an hman i Tawlreiba hna an cin. Cu cintlak mi cu kumkhat ah tangka Sing 100 leng an hmu. Tu lio Hakha le Thantlang peng hna zong ah cin hram an thawk cang hna tiah kan theih. Ref .Khonumthung.

 

Na ruahning rak langhter ve.. (Leave a comment)

%d bloggers like this: