Lungrial Nak In Pi Zai Bor A Nunnak A Liam
Salai Elvis| 2018 February 3| Thantlang peng Tihbual khuami, Thantlang sianginn sang um Pi Zai Bor cu March 2 zinglei suimilam 10:30 tluk ah lung an rialnak ah a nunnak a liam ti thawng kan theih.
Lungrialnak seh patcu (khai riat hri) nih a lukhuh le a angki a lak caah tubantuk in a nunnak a liam hi a si.
“March 2 Lungler lam Lungrialnak ah rian an tuan. Hi hmun ah Lungrial ciami ka la lai a tinak ah Lungrialnak patcu (khairiat hri) nih a lukhuh le a angki ban a lak sual caah Patcu nih cun a hlonh i tungah a vaisuk, a lu aa khawng caah a rannak in Thantlang sii-inn ah an kalpi. Sii-bawi te nih Hakha ah lanh pi uh an kan ti colh i Hakha kan kal pah lam cenceo 12:00pm ah a nunnak a liam hi a si.” tiah chungkhat neihniam pakhat nih TCP ah a chim.
Pi Zai Bor (kum 39) cu a va le a fale ngakchia siangin kai lio mi hna he Thantlang sianginn sangah khuasa mi an si.+++
About The Author
