Madaya Ah SAC Ralkap Mawṭaw 5 Bom An Puah Hnawh Hna, SAC Ralkap 6 An Thi
The Chinland Post | 2023 March 30 — Mandalay ramṭhen, Madaya peng, Sagyin khua, Mandalay-Moekok lam cung ah SAC ralkap mawṭaw 5 bomrap an puah hnawh hna i SAC ralkap 6 an thi tiah theih a si.
March 29 zinglei sml 7:40am hrawng ah Madaya peng lei ah a rak kir mi SAC ralkap 70 leng nih an i cit mi SAC ralkap mawṭaw 5 bom an puah hnawh hna hi a si i 6 an thi, 3 fak ngai in an i hliam tiah theih a si.
Cu kahdohnak ah Ṭawgyi Mwepwe phu, Pyithu palek phu le Madaya hrambunh PDF phufonh hna nih an tuah tiah theih a si.
