July 24, 2024

Madaya Peng Um SAC Ralkap Sakhaan 8 An Lak

0

The Chinland Post | 2024 July 2 — Mandalay ramṭhen, Madaya peng um SAC van lei ral vennak sakhaan, Sedaw, Panthalay tlang, Yesu tlang telh in SAC ralkap sakhaan 8 cu an lak khawh i SAC lei hriam chiah in a sungpe mi ralkap 67 le an chungkhar minung 117 an um tiah Mandalay PDF nih thawng an thanh.

Mandalay PDF nih Madaya peng chung um SAC 1014 van lei ral vennak Ingyinmyaing sakhaan, Sedaw sakhaan, Panthalay tlang sakhaan, Yesu tlang sakhaan, Naykyaw tlang sakhaan, Shwepahti sakhaan, Kyaukkhalauk sakhaan le Mayni tlang sakhaan hna cu tlamtling tein an lak khawh tiah theih a si.

Madaya peng kahdohnak chung ah SAC lei tlaih mi sal le hriam chiah in a sungpe mi 64 a nung in an tlaih hna i vawlei cung phung ning tein an hren hna i an chungkhar pawl a si mi nu, upa le hngakchia 117 zong tha tein an zohkhenh hna tiah theih a si.

Cun SAC ralkap hriam zuun 125 le adang kahdohnak thilri pawl zong an lak khawh i Madaya peng kahdohnak chung ah Mandalay PDF telh in Madaya peng hriamtlai phu hna an i bawm tiah theih a si.

About The Author

Na ruahning rak langhter ve.. (Leave a comment)