Mai Ni Iang Motor In A Pahtu Pa Hakha Khuachung Ah An Tlaih
December 31, 2019 zan ah Hakha-Gangaw lam ah Mai Ni Iang motor in a pah tu Sangaing ramthen Biaceihbawi zik a fapa San Wana cu January 6, 2019 Hakha khuachungah palek nih an tlaih cang tiah kan theih.
“Nizan ah Hakha khuacbung lam tonnak (lann sone ah kan tlaih i a tu thonginn ah kan chiah lio a si.” tiah Hakha Myone palek tuanvo ngeitu pakhat nih TCP ah a chim.
Hi kong he pehtlai in Online Media cheukhat ah ‘Sangaing ramthen biaceih bawizik cu Chin ramkulh Upadik bawizik Suny Thang Cung nih Hakha ah Kumthar hmang dingin a sawm mi a si’ tiah chimceih mi kongah Sunny Thang Cung nih a tu bantuk in a chim.
“Sangaing ramthen biaceihbawi zik he hin a theih zong kan i thei bal lo i Kumthar hmang ding zong in ka sawm mi zong an si lo. An mui hmanh ka hmu bal hna lo pin ah a hngalh zong ka hngal bal hna lo. Kei mah nih a sawm tiin an tial mi ka hmuh in ka khuaruah a har dih, ka lung zong a tha lo ngai.” tiah TCP ah a chim.
San Wana cu a hmasa ah pohmah 337/338 in a hmuh (case) rak on a si nain Mai Ni Iang a thih caah pohmah 304 (a) ah a hmuh(case) an thlen than. 304 (a) cu kum 7 in 10 thong thongthlak pin ah tangka liam ter khawh a si tiah kan theih.
About The Author
