Mai Teresa Sui Ngun Tling Nih 2018 Miss Thantlang People Choice A Ngah

The Chinland Post| 2018 October 23| Avoi 1nak 2018 Miss Thantlang Online vote peknak caan cu October 17 in 23 tiang lawng an onh. October 23 chun suimilam 12:00 in online vote peknak an phih cang. Online vote peknak ah Like le share a tambikmi cu Mai Teresa Sui Ngun Tling a si caah amah nih People Choice laksawng a ngah tiah tuanvo ngeitu sin in kan theih. 

Miss thimnak taktak cu October 24 (Tho) zan ah an tuah lai. Atu online vote peknak hi cu miss thimnak caah zeihmanh lai a rel lo, People Choice ca lawng ah tuahmi a si.

Online vote peknak in like le share a tambikmi minung pali cu; Mai Teresa Sui Ngun Tling (like 560 le share 853), Mai Siang Chin Tial (like 246 le share 820), Mai Anita Ngun Chin Tial (like 435 le share 609), Mai Ni Din Par (like 543 le share 534) an si. People choice cu mizapi (online vote peknak) thimnak in tuah a si caah like le share a tam bikmi Mai Teresa Sui Ngun Tling nih a co ko cang tiah tawlreltu Mai Rem Hlei Par sin in kan theih.

Miss thimnak caah laksawng phunli an tuah. 1). Winner, 2). 1st runner up, 3). 2nd runner up, 4). People Choice an si. 2018 Miss Thantlang zuamnak cu tukum hi avoi 1nak TYA tawlrelnak in an tuah a si. Thantlang khuapi chung sangkip in an i zuam cio tiah kan theih.

Ahodah winner a co lai? Ahodah a hmasabik tuanbia tialtu Thantlang Miss a si lai?