Mai Teresa Sui Ngun Tling Nih 2018 Miss Thantlang Winner Le People Choice A Co

Salai Elvis| 2018 Tho 25| TYA (Thantlang Youth Association) nih tuahmi avoi khatnak 2018 Miss Thantlang leengdawh thimnak ah Mai Teresa Sui Ngun Tling (Lungtial sang) nih 2018 Miss Thantlang winner (leengdawh bik) le People Choice laksawng a co tiah theih a si.

Thantlang miss winner
Thantlang miss winner
Thantlang miss winner

Mah pinah First Runner Up ah Nu Sang Iang Tlem (TABC sang) le Second Runner Up ah Mai Hniang Sung Chin (Sianginn sang) nih an hmuh ve.

Thantlang miss 1st runner up
Thantlang miss 1st runner up

“Tuan Miss zuannak hi avoi khatnak asinain a tlam tling ngai. A kapkip in a kan bawm tu cungah kan i lawm tuk. Miss zuamnak hi Round thum zuamter an si. Cun Top 5 thim an si i hi chungah biakhiaktu hna nih minung pa nga cu biahalnak an tuah than hna. Mah vialte Mark an hmuhmi le an thilhruk, umtu hoiher tiangin an zoh dih hna hnu ah a tu bantuk in laksawng a tingco tu hna an thim hna hi a si. Hi pin lei zongah pehzulh in tuah kan i tim rih” tiah Miss Thantlang tawlreltu lutlai Mai Rem Hlei Par nih The Chinland Post ah a chim.

Thantlang miss 2nd runner up

Tutan i an laksawng cu Winner tangka singkhat (100,000), Crown, le pangpar, First rinner up tangka 70,000, Crown, pangpar le a dangdang, Second Rinner up 50,000, pangpar le a dangdang, mizapi nih thimmi (people choice) tangka 50,000, pangpar le Crown laksawng le a dangdang laksawng pek an timh tuah.

Tutan Miss aa zuammi cu minung 20 an si. 2018 Miss Thantlang sponsor tu hna cu Marie Stopes Myanmar(Thantlang) le Pa Tluang Tha Bawi an si.

Photo: The Chinland Post

1 thought on “Mai Teresa Sui Ngun Tling Nih 2018 Miss Thantlang Winner Le People Choice A Co

  1. Miss pakhat nak hmu i kawl ram phaisa sing100,000.00 long cu aw a poi ve, an ni timh tuah nak hmanh ah aa bia tak mi nih cun cu nak in an dih deut lai si.

Na ruahning rak langhter ve.. (Leave a comment)

%d bloggers like this: