Malaysia Ah Zuu Din Sualnak In Myanmar Mi 16 An Thi 3 Siizung An Phan

The Chinland Post| Malaysia ram zuu tha lo an din sual caah Kawlram minung 16 an thi cang i 3 siizung ah an um rih ti kan theih.

A luancia September 14 ni khan zuutha lo(zuu deu) an din caah Kawlram mi chungin minung 16 an thih hi a si tiah Ka-pung (Malaysia) chiatni zohkhenhnak an hotu U Sein Win nih a chim.

Zuu an din sual mi hi Kawlram chuak Mandalay Whisky, Grand Royal, PMG le Kingfisher Beer hna an din caah a si. Kingfisher Beer hna cu a pin (strong) ngai mi a si an din le cangka in an thir, Malaysia ah cun (bu-si) an ti mi a si.

Kawlram chuak bantuk in an tuah mi Grand pawl zong hi inn chungah a thli thup in tangka hmuhnak sawh ah zuu chia lawng tein an tuah mi a si. A thi mi hna cu an thin a lin, an luak chuak tibantuk in an thi hna, tiah U Sein Win nih a chim.

Kawlram mi a thi mi 16 pinah a dang a thi mi zong an um rih i cu hna cu India miphun, Bangali, Malaysia miphun le ramdang mi pakhat zong aa tel. Siizung ah a chungin a it mi hna hi Kawlram mi telh in minung 50 tluk an phan cang tiah theih a si.

Malaysia ram ah a luancia 2012 kum ah zuu tha lo i din sualnak in Kawl ram mi 35 tiang an rak thi bal cang i 2013 kum ah minung 5 an thi bal. A tubantuk in Malaysia palek le tuanvo ngeitu hna nih zuu dawr kip an check hna i dan zong an tat hna tiah theih a si.

Hi kong he pehtlai in Chin Refugee Committee, Malaysia hna zong nih Malaysia um Chin mi hna sin ah ralrin peknak zong an tuah hna tiah theih a si.

Ref: DVB, CRC Malaysia

Na ruahning rak langhter ve.. (Leave a comment)

%d bloggers like this: