Malaysia Chin Ralzam Hna Kir Rih Lo Dingin UN Sin Ah An Nawl

TCP-Thantlang| 2019 February 7| Malaysia ram um Chin miphun cu an khuaram ah kir rih lo ding in Chin tawlrel tu upa hna nih UN sin ah an nawl tiah kan theih.

Malaysia ram ah Chin miphun cu 40,000 leng an um. Aluancia kum May thla lio ah ralzam kongkau lutlai tu hna zung UNHCR nih Chin ram sining kong, tih le phan awk a um ti lo a daih cang caah nan ram ah kir khawh nan si cang tiah a rak chim bal.

“Tawlrel tu Chin upa te nih Kawlram tel in Chin ram cu a tu lio ah a daih rih lo nak kong, Rakhine ram AA le Kawlral kah buainak lio caan a si nak kong, zalong tein biaknak kongah kham le thleidan an si rih nak kong an chim.” tiah Aljazeera thawngthanh nih a chim.

Ref: RFA