Malaysia Gas Dur Mei Kanghnak A Thimi Mang Za Vum Le Thawng Lian Sang Kalaymyo An Ruak Vuinak Kong

Salai Bawi Lian Sang| TCP-Kalay| December 6, 2020| Malaysia ah Gas Dur meikanghnak in a nunnak a liam mi David Mang Za Vum Kum (45) le Thawng Lian Sang Kum (25) an ruak cu December 6, zanlei 1:30 ah kalaymyo an phan. Yangon in an ruak cu an rak tlun pi  i  Kalaymyo Lai Seino nih Kalaymyo peng, Heloh khua tiang an va don hna tiah Lai Seino President Sui Khar sin in thawng kan theih.

.“David Mang Za Vum & Vum Pi (Vum Pi- a pa cu Rev. Thang Hlun- CBA. G.S formal) a ruak cu Kalaymyo peng covid-19 pulrai runvennak committee nih hrim tu a nu le pa inn(Kalaymyo That Oo thida sang) ah a ruak suan an onh hna lo caah Kalaymyo Khrihfa thlammual(Duwinchaung) ah an lang pi I thlahmun ah ruak vuinak in can an hman’.

“Cun,Thawng Lian Sang a ruak belte cu a nu le pa khua(letpanchaung) khua ah an lam pi I zan lei suimilam 2:00 PM ah an inn te ah ruak suannak can an hman kho hnu ah (Letpanchaung)thlammual ah an ruak an vuai” tiah Pu Sui Khar nih TCP ah  a chim.

An mah Kepong Malaysia nih an langhter ning ahcun December 4, 2020, zaanlei suimilam 3:30PM ah Malaysia um hawikom le community hna nih thlacamnak le ruak a donghnak/ suannak program an hman piak hna i  December 5, 2020 ah Malaysia Airline in Yangon, chungkhar sin ah an rak kuat hi a si.

An pahnih in Malaysia Johor Pontian ah riantuan ti mi le hmunkhat ah a um timi hawikom tha ai daw tuk mi an si i an um nak Gas dur a puak mi ruang ah an pahnih in an nunnak a liam hi a si tiah Malaysia lei in thawng kan theih.

Na ruahning rak langhter ve.. (Leave a comment)

%d bloggers like this: