Malaysia ramchung luh aa timi Myanmar rammi 90 hrawng Thai palik nih an tleih hna
The Chinland Post | 2022 May 9 – Phungning loin mi a phortu pawl sin in Malaysia ram chungah phungning loin luh ding in a hngakmi Myanmar rammi 89 cu Thai palik nih an tlaih hna. Thai ram, Narathiwat peng, Tak Bai khua ah tlaih an ton hi a si.
Tai Bak khua ah a ummi inn 2 cu Thai palik nih an luh hnawh hna i a tu bantuk in an tlaih hna hi a si tiah Narathiwat peng Palik bawi changtu Thawatchai Duksukkaew nih a chim.
Myanmar rammi pawl a phortu mawtaw mawng Thai minung 4 cu an zaam manh i Thai palik nih an kawl hna lio a si. Myanmar rammi hna a phortu truck 3 cu palik nih an fim tiah theih a si.
Myanmar rammi hna nih Malaysia ram chung luh khawhnak ding ah caantha an hngah lio a si tiah a chim.
Phungning loin mi phorh khamh khawhnak caah Thai ram uktu pawl nih ramri kip ah zohfelnak an rengh chin lai tiah Narathiwat peng chung he pehtlai in Thai van ralkap bawi pakhat Chalermporn Khamkhiao nih ralrinnak bia a chim.
About The Author
