Mandalay Ah A Thi Mi Nu COVID-19 Zawtnak A Ngei Lo Tiah Ngandamnak Zung Nih Thawngthanhnak A Tuah

TCP-Thantlang|2020 March 6|Atu lio tihnung ngai mi COVID-19 zawtnak rungrul a ngei tiah lunghrinh in Mandalay siizung ah an rak thlopbul cuahmah lio mi kum  68 tarnu pakhat cu March 5 ni ah a thi mi cu COVID-19 zawtnak a ngei lo tiah ngandamnak zung nih March 6 zansuimilam 9:15 ah thawngthanhnak a tuah.

Mah minu telh in COVID-19 zawtnak kongah lunghrinh mi minung 4 hna zong an zawtnak  result (aphi) an hmuh chuah hna ningah an pali ning in a tulio zawtnak hrik hmuh an si lo tiah thanhca chuahmi ah aa tel.

Atu lio zawtnak hrik an ngei maw, ngei lo tiah minung 4 an check mi hna cu Kanpaing-T Taih-nay siizung ah kum (28) pa, Muse siizung ah kum (27) nu, Naypyitaw siizung ah kum (35) pa le Mandalay Kanayddy siizung ah kum (68) nu a thi mi hna an si.

Athi mi nu hi March 4 ni ah cumpit tlangrai le a thawchuah ning cang a hman lo i lungfim lo in a um caah Mandalay sii zung pi ah an rak kal pi mi a si.(Ref:Ministry of Health and Sports Myanmar)

Na ruahning rak langhter ve.. (Leave a comment)

%d bloggers like this: