Mandalay Ah COVID-19 Zawtnak Lunghrinh In Thlobul Lio Mi Nu A Thi

TCP-Thantlang|2020 March 6|Atu lio tihnung ngai mi COVID-19 zawtnak rungrul a ngei tiah lunghrinh in Mandalay ah neihniam tein thlopbul cuahmah lio mi kum 68 tarnu pakhat cu March 5 ni ah a thi tiah Mandalay sii zung ukbawi Dr. Khin Kyaw nih a chim.

“Athi mi hi COVID-19 zawtnak in lunghrinnh mi zong a si ko, Cun apum chung thilri hi an dihlak in an tha ti lo, lungzawtnak, thikai le zunthlum zawtnak te hna ngei i, mi thau mi a si.”tiah Dr. Khin Kyaw nih a chim.

Athi mi nu hi March 4 ni ah cumpit tlangrai le a thawchuah ning cang a hman lo i lungfim lo in a um caah Mandalay sii zung pi ah an rak kal pi mi a si.

Hi nu cu Mandalay khua Maha-Aungmay peng ah a um mi a si i a luancia ni 14 lio ah a zawtnak cu a tulio zawtnak hrik he aa pehtlaih nak kong, cucaah lunghrinh in a dang te ah thlopbul mi zong a sinak kong le COVID-19 zawtnak hrik a ngei tiin lunghrinh a sinak kong ngandamnak zung nih thanhca a rak chuah mi a telchih.

Athi mi nu a zawtnak dikthlir taktak cu Yangon ah chekfel than ding in an kuat lio a si i a phi March 6 ni ah a fiang lai tiah theih a si. (Ref:7day News)