Mankyikan Khua SAC Ralkap Pawl Federal Wings Nih Drone In Bom An Thlak Hna, Ralkap 3 An Thi
The Chinland Post | 2023 July 7 — Sagaing ramṭhen, Myinmu peng, Nabaygyo khua mipi inn an buah hnu ah Mankyikan khualei ah a kal mi SAC ralkap le PDF phu karlak ah July 6 zinglei ah kahdohnak a chuak i Federal Wings Drone phu nih Drone ngan pipi in bom an thlak hnawh hna caah SAC ralkap 3 an thi i hliam a tuar mi an tam tiah Federal Wings Drone phu nih an thanh.
July 6 zinglei sml 3:54 hrawng ah ah kaphnih karlak kahdohnak a chuak i 4kg bom lung 2 hmang in Federal Wings Drone nih bom an thlak hnawh hna i zinglei sml 5:06am zong ah 4kg bom lung 2 in an doh ṭhan hna caah SAC ralkap lei hliam a tuar mi an tam i PDF phufonh lei nih meithal in an kah chih hna caah SAC ralkap 3 an thi tiah Federal Wings nih a langhter.
Sagaing ramṭhen, Latpantha le Maubin khua lei July 5 ah a rak lut i mipi 3 a thattu SAC ralkap pawl cu July 6 zinglei sml 4:30am hrawng ah Mankyikan khua lei an kal lio ah PDF phufonh pawl he kahdohnak a chuah hi a si tiah theih a si.
