March 11 Nikhat Chungah Thantlang Innpawng Rammei Voithum A Kang

0

Thantlang Rammei Kang Meihmit lio/TCP

Salai Chuncha| TCP-Thantlang| 2021 March 11| Nihin March 11 nikhat chungah Thantlang innkam hmunthum ah a ho ti theihlomi kut in rammei a kang tiah kan theih.

hmunkhat nak cu Sianginn Sang Sui Thio lam ah a um mi CNF/A zung kam ah a si i a caan cu sml 1:00pm tluk ah a si. Thantlang mino hna ralkap uknak duhlo langhternak lamzawh ding timhtuah in Thantlang Zunghmun sang lamton ah mi an i hngah lio ah thlanglei CNF/A zungkam rammei akang tiin thawng an thanh i mino zapi nih an zuan hnawh colh hna,  Thantlang meithat motor zong a phan in suimilam pakhat chung hrawngah an hmih khawh than. Hi rammei kangh kong he pehlai in zeitin a kangh ning a si tutiang thawngfiang hngalh khawh a si rihlo.

Hi rammei kangh kong he pehtlai in kiangkap um mi hna nihcun,” Hi mei hi dumduah nak in thlah sual mi(a lawn mi) mei a si lai lo, tuni dumduah kan um lo i atu bantuk caan ah dumduak a si bal fawn lo. Ngakchia nih an lalpannak in ani thlahphoih zong a si kho. Kuakbul an hlonh mi in ai sem mi a si lai hun ti dingah le lam in hi meikangh kan hmuh hmaisa nak hmuntiang kuakbul hun hlonhnak ding ah ai hla tuk hoi. Atu mei ai thok nak hi CNF/A zung areas chung bak in a si ko i a ki lei tuk in a si fawn lo,” tiah The Chinland Post ah achim.

” Kan nih cu zeihmanh kan theilo. Nan zungkam akang tiah an kan chimh lawngin kan theih ve mi a si. Kan theih i kan hun zoh ahcun innthlang taktak ah mei aphan cang. Thantlang mino pawl an khul arang i an hun phalh manh, si hlah sehlaw inn a tlaih ko hnga” tiah zung quater um mi nih The Chinland Post ah a chim.

Avoi hnih nak Thantlang rammei kangh cu suimilam 3:00pm hrawng ah a si i ahmun cu khuahelnak lamthlang, lahva chak ah a si. Lamzawh nak in mino an tianka te ah a si i acheu cu inn lawi manh loin meiphalh dingin meikangh hmun ah an lan colh hna. Aho kut in a si theih khawh a si ve rih lo. ” Kan lau tuk, a mei alh asang i arang khuahelnak lam hi um hlah sehlaw chikhat te ah kan inn  hi a tlaih colh ko lai, khuahelnak lam in mino nih an dir onh i an phalh khawh ko. Kan Thantlang mino hna hi uar an um tuk kan uanthlar tuk hna lam an zawh le tuzing mei an phalh nak ka baa ti hin loin arun piin an hun chuak hoi i ka uar tuk hna. Mino hna thawngin a him ah kan cang, mei hi khoika hmunset in ai thok bal kan thei ve bak lo,” tiah kiangkap inn ngeitu chungkhar nih The Chinland Post ah an chim.

A hmun thumnak cu cawbuk GTI Sianginn(sak cuahmah mi) pawngah a si. Acaan cu suimilam 5:40pm ah a si i hi rammei kangh hi cu dum an duak nak in an thlah sual mi mei a si men lai tiah zumhdamh a si. Dum pakhat vahmi a um i cu hmun cu chun ah mei a kang cang minung zong an um ko caah dum an duah a si ko hi tiah ka ruah ko nain zanlei kan hun kir tik cu a dum leng ah mei a rak pet cang tiah lehlang in Thantlang a hun tlawngmi khualtlawng pakhat nih a chim. Akangh nak ram hi mi dum deuh an si hna caah dum ngei nih zanlei muika tiang an phalh i an hmih khawh tiah thawng kan theih.

Thantlang bantuk in Hakha ah March 10 le March 11 ah Hakha khuathar thlang ah aho ti theih lomi kut in mei a kang ve tiah kan theih.

About The Author

Na ruahning rak langhter ve.. (Leave a comment)

%d bloggers like this: