March 30-31 Ah Hakha, Thantlang Le Falam Mei A Mit Lai Nain Hakha Khuapi Chung Mei A Mit Dih Lai Lo

0

TCP-Hakha| 2019 March 28| Transformer chap le thlen an timh caah Hakha, Thantlang le Falam cu March 30-31 ah nihnih chung chun he zan he mei a mit lai. Asinain, Hakha khuapi chung cu a zapite i n a mit lai lo, a ratnak sang a um lai tiah kan theih.

Hi kong he pehtlai in Chin ramkulh EPC zung lutlai U Aye Kyaw nih, “Transformer a ngan deuhmi chap kan timh caah nihnih chung Hakha, Thantlang le Falam mei a mit lai. Atu hi thlen awk ding transformer zong a phan dih cang. Asinain, hi thlennak caah a herhmi seh “Karing” hi a tlamtlin lo caah atu tiang kan thlen rih lonak hi a si. Soh-loh-zi nih March 30 ahcun kanmah ngeihmi kan in hlanh khawh ko hna lai a kan ti caah March 30 le 31 ah thlen kan timh hi a si” tiah The Chinland Post ah a chim.

March 28 nithla khenh in Hakha pengkomh uknak zung nih thawngthanhnak an tuahmi ahcun, “Hi transformer thlenremhnak tuah chung ah Hakha khuapi chung Dawrthar sang, Pyidawta sang, Ralkap umnak, Loklung, Nipi, Bualtak le Mangnu mei a mit lai tiah phungningte in an thanh.

Mah ningte a si ahcun Hakha khuapi ning in mei a mit dih lai lo. Dawrhlun, Khuahlun, Cawbuk, Khuathar, Hakhathar cu mei rat dawh a si.

cozah nih mei mih nak kong thawng an thanhmi

“Hakha khuachung um 66/11KV 5×2 MVA Electric mei peknak zung in 5MVA Transformer cu 10MVA Transformer a thawng deuh mi in thlen kan timh. Asinain, mah kan thlen chung ah 5MVA Transformer pakhat cung a nung lai i mei a ra ko lai. Asinain, mah transformer umnak mei line lawng mei a ra lai.  Mei hi transformer in thlen ding a si caah mah 5MVA Transformer a nungmi mei line ti lo paoh cu chun he zan he mei a mit dih ko lai” tiah a biapeh ah a chimchih.

About The Author

Na ruahning rak langhter ve.. (Leave a comment)

%d bloggers like this: