March thla chungah KNU le SAC ralkap karlak ah kahdohnak voi 500 leng a chuak
The Chinland Post | 2022 April 5 – Karen National Union (KNU) nih a tlaihnak hmunhma ah SAC ralkap le KNU karlak ah kahdohnak voi 500 leng a chuak. Cu kahdohnak ahcun, SAC ralkap 419 an thi tiah KNU Headquarter nih April 5 ah thawng a thanh.
Karen National Liberation Army (KNLA), Karen National Defense Organization (KNDO) le SAC ralkap, Boarder Guard Force (BGF) karlak ah nifatin kahdohnak a chuak tiah theih a si.
Kahdohnak ruangah KNLA le KNDO in ralkap 22 an thi i 35 nih hliamhma an tuar tiah KNU cathanhnak in theih a si.
KNU hmunhma chung kahdohnak ruangah himnak ah a zaammi mipi sing khat deng an si tiah theih a si.
About The Author
