Mariupol bom khor ah mipi 200 an tap
The Chinland Post | 2022 May 3 – Mariupol khua i bom khor chungah eidin awk ngei loin mipi 200 hrawng an tap rih ko tiah an mah he a umṭi mi Ukraine Commander pakhat nih a chim.
Azovstal sehzung chungah aa tapmi mipi 100 hrawng zong UN le ramdang Red Cross phu hna tlangtlaknak in May 1 ah chuah hram an thok hna hnu ah a dang mipi zong an taang rih tiah Ukraine Commander nih a chim.
Bom khor chungah a tapmi chungah hngakchia, nu le tar hna zong an i tel tiah a chim.
Russia nih Ukraine i tinbaw pawl a dinternak khua a simi Mariupol cu hriamngan in a kah lengmang ruangah mipi hna bom khor chungah an i thup. Zeizah an si bel theih a si lo.
Mah sehzung pi hi Soviet chan lioah Stalin nih a rak sakmi a si i vawlei tang kalnak pawl zong a um chih.
Sehzung chung in a voikhatnak khamhmi 100 an si i hngakchia zong an i tel.
Russia ralkap nih Mariupol an tuknak hi zarh hnih a si cang i khua zong a rawk dih. A thimi le a tlaumi cazin a fiang in theih a si lo. Mi thong tampi eidin awk ngei lo in an um tiah theih a si.
Ref: DVB
