July 24, 2024

Matupi Ah CNA He Kahdohnak A Chuak Kho Ṭhan Tiah Chin Brotherhood Nih An Thanh

0

The Chinland Post | 2024 July 1 — Chin ramkulh, Matupi khua cu June 29 ah kan lak khawh cang tiah Chin Brotherhood nih a thanh hnu ah Matupi khua himnak, sersiam ṭhan nak rian pawl cu hriamtlai phu pawl he bawm in kan tuah lai tiah Matupi Brigade 1 nih June 30 ah a thanh.

Chin ramkulh, Matupi khua ah SAC ralkap nih fek tein hmunhma an khuar nak LIB 140, IB 304, Byuha sakhaan (Tactical Base) pawl cu Chin Brotherhood nih le a hawikom phu nih June 9 ah kah hram an thawk i June 29 ah tlamtling tein an lak khawh.

Matupi khuami pawl himnak kha papek in SAC van lei ral ṭihnung le SAC nih bomrap thianh ding rian pawl an tuah cuahmah lio a si i khatlei ah CNA/F he kahdohnak a chuak kho peng mi a si caah khuachung le khua kiangkap ah um rih lo ding tiah theihternak an tuah.

Matupi Brigade 1 nih Matupi khua himnak le sersiam ṭhan nak rian pawl pehzulh in kan tuah lai i cuka hmunhma um adang hriamtlai phu pawl an i tel khawh nakhnga kan ṭuahchuah lai tiah an thanh.

About The Author

Na ruahning rak langhter ve.. (Leave a comment)