Matupi ah Pastor pahnih nih bom an i lamh sual

The Chinland Post | 2022 April 7 – Chin ramkulh, Matupi peng, Rezua khua Primary School chung April 2 ah Pastor pahnih nih bom an i lamh sual ruangah hma an pu tiah thawng theih a si.

Bom aa lamh sualmi Pastor pahnih cu U Yoe Myo (kum-37) le U Tin Za Lian (kum-43) hna an si.

Pastor Tin Za Lian cu a ke khatlei tan a si ruangah Mizoram ah aa thlop lio a si.

“Khuadang an kal lioah Primary School kha an va zoh pah. Matupi in thazang chapding ah a raami SAC ralkap pawl nih hmunhma an khuar lio a si. A tu cu SAC ralkap pawl an kir dih cang. Bom an hmanh takmi an i lamh sual ruangah pakhat cu a ke khatlei tan a si” tiah khuami nih Zalen ah a chim.

Mah bom kha CDF nih an hmanhmi a si i Pastor pahnih an i khawn lengah sianginn zong a rawk tiah SAC nih a thanh.

Asinain, CDF-Rezua nih mah bom cu Matupi khua in Rezua ah thazang chapding ah a raami SAC ralkap nih an hmanh takmi a si tiah an chim.

SAC ralkap nih an hmanh takmi bom cu an thianh ṭhan lo caah khuami hna nih Primary School pawnghrawng kal rih loding tiah CDF-Rezua nih thawng an thanh.

Na ruahning rak langhter ve.. (Leave a comment)

%d bloggers like this: