Matupi Ah Ralkap Motor 100 A Phan
Salai Cung Cung |2019 February 5| Chin ramkulh, Matupi ah ralkap motor 100 hrawng Pyima lei in February 3 ah an rak phan tiah Matupi khuami pakhat nih a chim.
“Ralkap chung in ka theihhngalh mi ralkap pakhat chim ning cun ralkapbu 10 minung 1000 cu Matupi in khoika lei kan kal lai ti cu a fiang rih lo” tiah Matupi khuami pakhat nih Khonumthung ah a chim.
Cun Helicopter pa 2 zong tuzing ah a phan tiah kan theih.
Tu lio Chin ramkulh Paletwa peng le Rakhine ramkulh lei ah cozah ralkap le AA i kahdohnak a cang liomi kong he pehtlai in ralkap thazaang an chap hi a si tiah a chim. Matupi ah ralkap biuha pakhat, khah-lah-yah (304), khah-lah-yah (140) battalion pahnih a um.
Ref: Khonumthung News