Matupi Ah Ralkap Phu An Kah Hna I 2 An Thi, 1 Aa Hliam
The Chinland Post | 2023 November 7 — Chin ramkulh, Matupi peng, Saunghti khua lei ah a kal mi ralkap phu pawl cu CDF-Matupi Battalion 2 nih an kah hna i ralkap 2 an thi, 1 aa hliam tiah CDF-Matupi sin in thawng theih a si.
October 6 zaanlei ah Matupi-Ngalai khua karlak ah a um mi Sawthia khua lamṭhen ah Matupi hrambunh ralkap 60 hrawng nih phu 2 ṭhen in an rak luh caah CDF-Matupi Battalion 2 he kahdohnak a chuah hi a si.
Matupi khua LIB 140, LIB 304, Matupi byu-ha le CDF-Matupi Battalion 2 hna karlak ah kahdohnak a chuak i ralkap lei Corporal 1 le adang ralkap 1 an thi i 1 aa hliam tiah theih a si.
Matupi-Hakha lam ah kahdohnak pehzulh in a chuah caah mipi hna nih ramvaih rih lo ding le meithal i put rih lo ding in CDF-Matupi B02 nih thawng an thanh.
About The Author
