Matupi-Hakha Lam A Cimh Caah Khualtlawn Rih Lo Ding In CDF-Matupi Nih An Thanh
The Chinland Post | 2023 August 15 — Chin ramkulh, Matupi peng ah cat lo in ruah a sur i Matupi-Hakha lampi cu a cimh caah mipi hna nih khuatlawn rih lo ding in CDF-Matupi nih ralrinnak a thanh.
August thla chung ah Matupi peng ah cat lo in ruah a sur caah Matupi-Hakha lam ah a um mi Lunghlaw-Zakam lam a cim i lam a rawh ngai caah mawṭaw, cycle hna a kal kho ding a si lo caah CDF-Matupi nih atu bantuk in thawng an thanh hi a si.
Matupi peng mipi hna cu vawlei cimh ruang le ti lianh ruang ah umkalnak lam a har caah harnak an tong i nifatin eidin luhchuahnak a har tiah theih a si.
Matupi khua kalnak ah Matupi-Hakha le Matupi-Mindat lam lawng hman a si cang i Mindat-Matupi lam hi SAC ralkap pawl atu le atu an luh caah an hmang tuk lo.
August 14 in August 20 tiang Chin ramkulh hmun kip ah ruah a tam lai tiah NUG Khuacaan lei zung nih an thanh.
