Matupi Khua 66 KV Maha-dat-Aa-line Mei Chiahnak Rianhma An Domh

TCP-Thantlang| 2019 March 15| Suimilam 24 chung mei ngahding in Matupi khua ah 66KV Maha-dat-aa-line peknak zungthen (khuai-zung) tuahmi rian hma an thawk cang tiah kan theih.

Hi mei cu Mindat le Matupi khua  karlak  meihri zamnak cu meng (50.5) aa hlat i hi khuahnih karlak ah mei tung 228 chungah 137 a tung zong an phun cang. Hi rian cu simanking Engineer pakhat a si mi Swe Sa Yan nih a zohfelnak hna lai i Aung Myint Moe Company nih tuanvo lak in le Tunkey muisam in (5 MVA) Transforma bunh in rian an tuan lio pi a si.

Matupi khua sangthen 4 chung mei phawtzamhnak kong, mei hri le tung zong thlennak caah kum fatin budget hal a sinak kong le cu budget in a thing pawl cu a thar in thlenremhnak tuah leng a si nak kong Matupi meizung riantuan pakhat sin in theih a si.

Atu lio Matupi Electric mei pek ning cu Bungtla le Nanlawng Electric mei an hmang i fur caan zong mei tha an i za hna lo. A tu an tuah lio mi Mindat le Matupi Maha-dat-aa-line mei riantuannak cu 2019-2020 tangka kum ah rian dih ding in timhtuahnak ngeih an ngei tiah kan theih.

Ref: Post of Matupi

Leave a Commnet

%d bloggers like this: