Matupi ah Commander nawlngaih lo ruang ah Captain pakhat thong an thlak
The Chinland Post | 2022 April 19 – Matupi le Mindat tlunkalnak gate ah riankhinh a simi Captain Yin Ko Oo cu Tactical Commander (Byu-ha-hmu) nih [Matupi-Mindat] lamcung a tlungkalmi, a tanmi poh kah ding ah nawl a pek nain sualnak ngei lomi mipi kah a duh lo ruangah nawl a chuahmi cu a ngai lo. Cucaah, Tactical Commnader (Byu-ha-hmu) nih a check hnu ah thong an thlak tiah Zalen thawngzamhnak nih a thanh.
Lamcung a rak tanmi poah kah ding in Tactical Commander (Byu-ha-hmu) nih nawl a chuah ko nain, Gate ah riankhinh a simi Captain Yin Ko Oo nih theihthiamnak in mipi pawl kalnak nawl a pek hna tiah ralkap pakhat nih Zalen ah thawng a peknak in theih a si.
Captain Yin Ko Oo nih sualnak a ngeimi lomi mipi ka kap kho hna lo, Tactical Commander (Byu-ha-hmu) kan kah a si ahcun na cohlang lai maw tiah bia a halnak a tuah chin tiah thawngpawng petu nih a chim.
Captain Yin Ko Oo cu ni zeizah dah thongthlak a si lai timi cu a fiang in theih a si lo nain ni 2, ni 3 hrawng a si kho men tiah a chim.
