Matupi Le Mindat Peng Ah Thli Nih Inn le Electric Mei A Hrawh
TCP-Thantlang| 2019 April 1|March 31 zan suimilam 11 in 12 kar i ruah le thli a hrangmi nih Matupi khuachung le Mindat peng khuate cheukhat inn, biakinn le electric meihri cheuhkhat a hrawh tiah kan theih.
Matupi khuachung ah a rawkmi hna cu ZCC- Zotung Biakinn a cim dih, mei 11kv line le 400v line zong a rawk. Mindat peng yat-toh khuakomh (oh-suh) pawl zong mah zan lila ah inn cheukhat a rawk. Thli hran cu caan karlak chung te lawng a si ko nain a fak ngai tiah an chim.
Mah zan thiamthiam ahhin Thantlang peng, Tikir khua Sianginn Sayate umnak inn khat a hrawh tiah kan theih.
Ref: Chin State