Matupi peng ah Chin hriamtlai 2 an nunnak a liam
The Chinland Post | 2023 February 7 — Chin ramkulh, Matupi peng chung kahdohnak ah CDF-Matupi le CDF-Zotung in hriamtlai 1 veve an nunnak a liam tiah February 5 ah an rak langhter.
February 4 zaanlei i ralram kahdohnak hmunkhat ah bomrap cansualnak a chuah caah CDF-Matupi in hriamtlai Thang Uk fak pi in aa hliam i zaan sml 11:00pm ah a nunnak a liam tiah an rak thanh.
SAC ralkap he kahdohnak chung ah CDF-Matupi in hriamtlai 25 nih ram le miphun caah an nunnak an pek cang tiah theih a si.
Cubantuk in February 5 ah CDF-Zotung in hrimtlai Hakalia cu SAC ralkap nih an tlaih i an thah beh tiah CDF-Zotung nih a rak thanh.
