Matupi Peng Ah Facility Quarantine In Mi (2) Ah Covid -19 Hrik An Hmuh

Salai Bawi Lian Sang| TCP-Kalay| October 11, 2020| Matupi khuachung lentecelhnak inn ah Facility Quarantine le Siangsangrun no.(2) ah erhmi (32) cu September 9, 2020 ah Yangon ngandamnak zung ah Swab test an kuat hna i October 9, 2020 ni thawngthanhnak ah minung (2) ah positive hrik an hmuh.

Mah positive hrik ngei (2) hi Paletwa peng Aakikung khua mi pa (59) cu Cancer zawtnak in Yangon Chaklei lei Okkalapah siizung ah a nupi kum (51)nih a rak um pi bal mi a si.Yangon in an rak tung lei ah Matupi siizung ah Isolation Ward ah erh in chiah an si . Swab test an lak hna. September 30, 2020 ah mizaw pa cu a rak thi. Mah hnu October 8, 2020 nih Swab test result a phan hnu ah mah nu/va (2) sin ah hrik an hmunh. Midang (30) negative an si tiah rampi ngamdamnak zung thawngthanhnak a tuah.

Chinram kulh Covid hrik ngei( 44) le a damthan minung ( 15) an si cang tiah October 8, 2020 zan in thawng theih a si. Mindat peng ah zawtnak ngei (20), adamthan minung(1), Tedim peng zawtngak ngei (10), a damthan minung (8), Tonzang peng zawtnak ngei (9), adamthan minung(4), Hakha peng zawtnak ngei (1) le a damthan minung(1), Thantlang peng zawtnak ngei ( 1) le a damthan minung (1)Falam peng(1) le Matupi (2) ah a thimi(1) hna an si.

Hrik ngei nu (1) cu October 8, 2020 zan ah Matupi peng siizung covid-19 thlopnak inn ah an thial I a ngamdamnak zong a tha ko. A mah he neihniam um ti mi zong Swab test a voinak an tuah hna tiah thawng kan theih.

Ref: IPRD Matupi