Matupi peng ah raifanh zawtnak a karh chin

The Chinland Post | 2022 August 10 – Chin ramkulh, Matupi peng ah a hlan kum nakin hramhram uknak lak hnuah ngandamnak lei zohkhenh a har deuh caah raifanh zawtnak a karh zual chin.

2022 Fur a tlak hlan deuh in raifanh zawtnak aa thok cang i atutiang raifanh zawtnak a karh rih ko tiah khuami hna nih an chim.

Matupi khua chungah sii-ai a zatawk a um lo bantukin khuate lei zongah sii-ai a um lo caah SAC nih umkalnak rii a khiahmi chungah khuami hna nih sii le adang thilri khuapi in khuate lei ah an phorh khawh lo ruangah raifanh zawtnak ṭha tein thlopbul khawh a si lo.

Khuate lei ah a zawmi hna zong khuapi an an rak kaipi hna, asinain khuapi zongah sii-ai a zatawk in a um lo. SAC nih mipi pek ding tiah a rak putmi sii ciahmi khiangthawng zong chuah khawh a si lo caah i khamhnak a tlawmtuk tiah khuami pakhat nih Zalen ah a chim.

Matupi peng ah khuate le in raifanh in a zawmi hna cu khuapi ah an kaipi mi an tam chin i raifanh zawtnak in a thimi pakhat a um cang tiah thawng theih a si.

Na ruahning rak langhter ve.. (Leave a comment)

%d bloggers like this: