Matupi Peng Ah Ralzaam 1,000 Leng le CDF-Matupi nih Lakhruak In Bawmhnak An Herh

0

The Chinland Post | 2023 March 30 — Matupi le Paletwa lamcung, Ṭaebwe khua SAC ralkap buk ah eidin rak chap ding in March 20 ah Matupi khua in a rak chuak mi SAC ralkap mawṭaw 3 le thazang 80 hrawng SAC ralkap pawl le CNA, CDF-Matupi karlak ah kahdohnak a chuak lengmang i atu ahcun ni 10 a rau cang.

SAC ralkap pawl ruang ah Matupi khua le Ṭaebwe sakhaan karlak ah a um mi khuate 4 in khuami 1,000 leng zong ramlak ah an zaamnak hi thla 1 deng a rau cang. Ni tampi ramlak ah an i dor hna caah eidin le sii an har chin thluahmah tiah theih a si.

SAC ralkap pawl cu meng 43 a rau mi khual lam kha canceu lawng an phan rih i khuami hna hi zeican tiang dah hren an ton rih lai ti theih a si lo. SAC ralkap pawl cu Khalaungsan ah CDF-Matupi nih an kah rih hna caah Walanpi le Kala khua SAC ralkap buk in hriamngan pehzulh in khuate lei ah an kah tiah theih a si.

Cun March 20 in tuni tiang SAC ralkap pawl pehzulh in kan doh lengmang hna caah eidin le meh bawmhnak kan herh hringhran ko CDF-Matupi nih a thanh.

Cun SAC ralkap lei nih thazang an chap chin caah pehzulh in kahdohnak a fak rih lai tiah an thanh fawn.

About The Author

Na ruahning rak langhter ve.. (Leave a comment)

%d bloggers like this: