Matupi peng fim cawnnak lutlai U Ṭin Luai cu CDF-Matupi nih kan fim tiah an thanh
The Chinland Post | 2022 October 17 – Chin ramkulh, Matupi peng fim cawnnak lutlai U Ṭin Luai cu CDF-Matupi nih kan fim mi a si tiah October 17 ah CDF-Matupi nih fianternak a thanh.
U Ṭin Luai cu October 16 ah Matupi khua a umnak inn ah an kah.
CDF-Matupi nih fianternak an tuah mi ah U Ṭin Luai cu SAC rianṭuannak pakhat a simi fim cawnnak kha rianṭuan kho ding in a bawmtu Non-CDM pakhat a si i CDM a tuah mi pawl kha phun tampi in an tlerh hna i Non-CDM tuah ding in a hnek hna, CDM a tuahtu cazin pawl kha SAC sin ah a phuan i ralkap hlun Major Win Naing he fonh in CDM a tuahmi lahkah pawl kha an ei tiah a langhter.
CDF-Matupi nih U Ṭin Luai cu ca in voi 3 siseh, bia in siseh voi tampi ralrin an pek ko nain a zul lo i CDF-Matupi kha a kan tlerh chin tiah an ṭial.
Cucaah CDF-Matupi nih mipi leirawitu a si tiah an fimnak hi a si tiah CDF-Matupi cathanh chungah hmuh khawh a si.
About The Author
