Matupi peng kahdohnak ah CDF-Mara hriamtlai 2 an nunnak a liam
The Chinland Post | 2023 February 21 — Chin ramkulh, Matupi peng chung ah SAC ralkap le CDF-Mara phu karlak ah kahdohnak a chuak i CDF-Mara hriamtlai Salai Amosa le Salai Maka nih ram le miphun caah an nunnak an pek tiah CDF-Mara nih a thanh.
February 10 zaan sml 7:00pm hrawng ah Tisii pawng ah SAC ralkap le CDF-Mara phu karlak kahdohnak ah an nunnak an pek hi a si tiah theih a si.
Salai Amosa le Salai Maka cu CDF-Mara nih upatnak sang bik kan in pek hna i tantak mi chungkhar zong kan ngaihchiatpi hna tiah an langhter.
