Matupi Peng Khuate Pa 6 Ah Siangcachim Saya/ma Thlakhat Leng Minung Thazaang A Chambau Cang

Hakha TCP |2019 October 7| Chin ramkulh Matupi peng khuate pa 6 ah sianginn cachimhtu say-saya/ma um lo ruang le a cheu sianginn ah saya/ma minung thazaang chambaunak thlakhat leng a si cang tiah Matupi Hluttaw palai U Pa Thang nih a chim.

“Promotion hmuh mi le hmun dang ah ai thial mi an tam caah ca chimhtu minung an chanbau cang. Saya/ma a chanbaunak sianginn pawl cu fimcawnnak zung lei nih kan hnu thla ah khan thawng a kan thanh i ramkomh minister sin ah ca kan pek hna. A tu hi thlakhat leng a si cang. Saya/ma a rannak in pek ding ah taanghra aungmi le Degree lami cazin lak piak ding ah pengkip fimcawnnak zung kha cazin kan lak ter hna i ramkomh minister sin ah kan kuat hna. Tu lio hi cu saya/ma tamdeuhnak sianginn chung in minung pakhat pahnih kan lak hna i ca chimhtu um lonak sianginn le chanbonak sianginn ah chikhat kan chiah rih hna” Matupi hluttaw palai U Pa Thang nih a chim.

Hi khuate pa 6 ah saya/ma pawl cu nikhat nihlawt in an tuah piak hna i chikhat rian an tuan ter chung hna tiah Matupi khuate pakhat ah a ummi khuabawi pa U Sa Long nih a chim.

“Matupi peng chungah hin Middle School ah ca chimhtu saya/ma 121 an herh tiah fimcawnnak zung in bawi pakhat chim ning in kan theih” tiah Matupi khuate pakhat khuabawi U Sa Long nih achim.
Kawlram chung ah kum fatin taanghra awng chiat biknak cu Chin ramkulh a si i Chin ramkulh chung in a chiabiknak cu Matupi le Paletwa an si tiah kan theih. (Ref.Chin World)

Leave a Commnet

%d bloggers like this: