Maungdaw peng SAC kuttang sakhaan pakhat AA nih a lak chap

0

The Chinland Post | 2022 October 10 – Rakhine ram, Maungdaw chaklei ah a ummi SAC kuttang BGF sakhaan pakhat a si mi Leikya sakhaan cu October 10 zinglei ah an lak tiah AA nih a fehter.

Leikya sakhaan an lak timi hi a dik ko tiah AA biachimnak nawl a ngeitu Khine Thukha nih Western News ah a chim.

“Tuzing sml 4:00am luan hrawng ah kahdohnak a fak ngaingai. Cu leikya sakhaan AA nih kan lak timi cu a dik ko. Hriam cheukhat zong kan lak khawh. Cun SAC ralkap kan tlaih mi hna zong an um. Ralkap kan tlaih mi hna cazin le hriam kan lak khawh mi cazin bel ka sin ah a phan rih lo” tiah a chim.

Cu sakhaan cu AA nih an kah hmasa mi hna a si i sakhaan an lak hnu ah SAC nih vanlawng in a rak kah tiah khuami nih an chim.

Adang khuami pakhat nih Leikya sakhaan a kangh kha kan hmuh khawh i SAC ralkap nih vanlawng in an rak kah i hriamngan zong pehzulh in an kah tiah a chim ve.

August thla chung ah AA nih a tuahmi Press Conference ah Maungdaw peng chaklei ah SAC nih sakhaan 7 an chuak tak cang tiah AA lei nih an chim.

About The Author

Na ruahning rak langhter ve.. (Leave a comment)

%d bloggers like this: