Maungdaw thlanglei Metaik sakhaan AA nih a lak
The Chinland Post | 2022 September 16 – Rakhine ram, Maungdaw peng thlanglei SAC kuttang BGF sakhaan a simi Metaik sakhaan cu AA nih September 15 zaanlei ah a lak tiah theih a si.
Cu metaik sakhaan ah BGF 30 hrawng an um i sakhaan lak kahdohnak lioah SAC lei a thimi an tam kho men tiah theih a si.
September 15 kahdohnak hi a fak i hriamngan, hriamhme thawng pehzulh in kan theih tiah khuami hna nih Mizzima ah an chim.
“AA nih an lak hnuah mei in an khangh i September 16 ahcun kahdohnak thawng kan thei ti lo” tiah khuabawi nih a chim.
Metaik khuami hna cu himnak caah ramlak, le tlang hna ah an zaam tiah theih a si.
About The Author
