Mawlaik Ah A Um Mi SAC Ralkap Sakhaan PDF Phufonh Nih An Lak, Hriam Tampi Zong An Lak Khawh
The Chinland Post | 2023 July 6 — A luancia June 30 ah, Mawlaik peng, Taungin khua ah a um mi SAC ralkap le pyusawhtee pawl nih hmunhma an khuarnak Taungin sakhaan cu Mawlaik pengkomh PDF B02 nih an kah i an lak tiah theih a si.
Kahdohnak chung ah SAC Captain 1 telh in 10 nak tlawm lo an thi i SAC ralkap hriamngan telh in hriam tampi zong an lak khawh tiah theih a si.
Cu PDF phu pawl nih sakhaan an laknak Taungin khua ah SAC ralkap pawl nih July 6 zinglei sml 7:00am thawk in Taunginn pawng pawdawmu tlang ah ralkap 40 hrawng nih hmunhma an khuar i Taungin khua, Taungdwin khua, Tanandaw khua lei ah 120MM hriamngan an kah lengmang i SAC ralkap thazang 120 hrawng zong Taungin khua lei ah an lut thluahmah tiah theih a si.
Cubantuk in July 5 ah Kalaymyo in Helicopter 2 nih SAC ralkap 80 hrawng Mawlaik lei ah a kuat hna i Kalewa lei zong in ralkap mawṭaw tampi he thazang a chap tiah theih a si.
