Mawre Ah Zan Chuah Lo Dingin Nawl An Chuah

0

TCP-Online| 2018 July 9| India-Myanmar ramri simi Mawre ah pohmah 144 he zan ah ahohmanh chuah lo ding in July 7 zan khan nawl an chuah than cang. Mah nawl an chuahmi cu thla 6 chung hman a si lai i zan suimilam 7 in zinglei suimilam 4 tiang Mawre khuachung ah ahohmanh minung 5 leng a bu in um lo dingin nawl an chuah.

Tu bantuak nawl an chuahnak a ruang cu Kawlram lei nih ramri chingchiahnak 81 ah India lei cu 3kilometer an laak caah khat lei le khat lei an buai i tubantuk in zan chuah lo ding nawl an chuah hi a si.

Hiti Kawlram lei nih 3kilometer an laak caah Mawre khua mizapi nih ramri ah thantar (flag) hna va phunnak zong an tuah i ramkhel Party le Civil Society lei nih an tawlrel zokzok nakhnga zong an nawl.

India cozah lei zong nih mah kongah hlathaitu le zohfeltu ding committee an ser cang i Center cozah sin zong ah langhter an si lai tiah an chim.
Ref: RFA

About The Author

Na ruahning rak langhter ve.. (Leave a comment)

%d bloggers like this: