Mawre Ah Zuar Tongmi Nu 100 Leng An Tlaih Hna
TCP-Kalay | 2019 February 7| India –Myanmar ramri Mawre khua ah Nepal rammi nu 100renglo kan chanhchuah khawh hna tiah Inida le Nepal ram thawngthanhca nih an langhter.
Mawre peng ramri sakhan ah minung 40, Mawre khuachung innpakhat ah minung 20 cu February 3 ni ah an chanhchuah hna. Manipur ramkulh khuapi Imphal khua ah nu 61 cu Hotel ah palek nih an tlaih hna. Mah pawl hi Myanmar ram in Nichuah thlanglei Asia ram le Asia Continent a laifang ram hna ah kumtling/kumtlinglo nu pawl hi nu puaisa nih zuar an timh hi a si tiah India thawngthanhca nih an tial.
Mah an tlaihmi nu hna cu Ujjwala Home ah kan chiah rih hna tiah Manipur cozah le Nu kilkamhtu bu MCPCR tuanvo ngeitu nih a chim.
Ref: VOA, February 3