MDY-PDF Nih Singu Peng SAC Ralkap Sakhaan 6 An Lak, Ralkap 13 Zong An Tlaih Hna
The Chinland Post | 2024 July 4 — Operation 1027 a dal (2)nak a bawmtu ding ah Singu peng um SAC ralkap sakhaan 6 an lak khawh i hriam zuun 40 leng le kuanzen pawl tampi zong an lak khawh leng ah ralkap 13 zong a nung in an tlaih hna tiah Mandalay PDF nih thawng an thanh.
Shan ram chaklei Mogok hmunhma, Madaya, Thabeikkyin peng hna ah Operation 1027 a dal (2)nak min in sakhaan lak kahdohnak pawl cu MDY PDF le a hawikom phu pawl nih Singu peng ah June thla dongh lei thawk in an tuah hi a si.
MDY-PDF nih Singu peng Donuai khua sakhaan, Namhat khua sakhaan, Malese shinlinsaung sakhaan, Shwemale pura sakhaan, Ywadawlay sakhaan le Nweyong sakhaan hna cu tlamtling tein an lak khawh cang i pehzulh in kahdohnak an tuah rih tiah theih a si.
Cun Singu peng chung kahdohnak ah hriam zuun 40 leng le kuanzen tampi zong an lak khawh i ralkap 13 a nung in an tlaih hna tiah an thanh.
Singu peng kahdohnak ah MDY PDF cu Singu peng PDO nih thilri chanh an bawmh hna tiah an thanh.
About The Author
