Media Lemcang In Bawmhnak Halmi Minung 8 An Tlaih Hna
TCP-Thantlang | 2019 May 21| Mandalay pengkomh, Pathien-kyi peng sangthen pakhat ah Media kan si tiah bawmhhal mi minung 8 cu tlaih in ahmuh (case) an hunpiak hna tiah theih a si.
May 19 Ko Myo timi inn ah bawmhhal mi hna cu an ra i thawngpang hlathlaitu le a khawmsuatu phu “A-mih-mya” kan si tiah bawmhalnak an rak tuah hi a si.
“Mah hna pawl cu motor in inn ah an ra i khuallian pawl rawldanghnak phu khat caah sing 2 a dih lai caah phu thum ca sing 3 nan hlut lai an kan ti. A si ko kan sian tawk in kan hlut ko lai kan ti hna, tlawmpal ah lunghrinh an vun si tikah sangchung upa le palek nih an tlaih colh hna” tiah Ko Myo nih a chim.
Voi dang zongah a tu bantuk in min hlen le lih hrokhrol in bawmhhal mi an um len cang. Media min hmang in bawmhhal tu hna, U Aung Swe Myint, U Myint Aung, U Htin Zaw, U Aung Kyaw Tun, U Maung Kyi, U Hla Myint, U Myo Htwe le U Way Lin Aung hna cu Pathien-kyi peng palek zungah (pah)257/2019, Ya-zatat-kyi upadi 420/468/114 ning in tazacuai le dantat an si lai tiah theih a si.
Ref: The Fifth Wave News
