Media Phu Hnih Cu CMN Chungtel Ah Cohlan An Si Nain Chinlung Post Cu An Cohlang Lo

0

City Hunter| 2018 February 26| February 25, Kalay ah tuahmi Chin Media Network (CMN) chungtel phu tonpumhnak ah Chin media phu hnih cu chungtel thar ah cohlan an si nain Chinlung Post tu cu an cohlang kho rih lo tiah kan theih.

CMN chungtel phu hna tonpumhnak cu February 25, Kalay, Hotel GBH ah chun hnu suimilam 1:30 in 6:00pm tiang an tuah. Hi tonpumhnak ah CMN chungtel lut ding in a sokmi media phu thum an si. Media phu hnih a simi The Chin Journal le Lairawn Post cu CMN chungtel si khawhnak tahfung an tlinh caah chungtel ah cohlan an si. Sihmanhsehlaw, Chinlung Post tu cu chungtel si khawhnak tahfung a tlinh lo caah chungtel ah an cohlang kho rih lo.

 

Tahfung tampi lakah pakhat te a tlinh lomi cu caanhmaante in thawngpang a tialnak asiloah catlap in caanhmaante in ca a chuahnak a tlawm bik kumkhat le cheu tal si a hau. Asinain Chinlung Post hi 2017 September thla lawng in aa thawkmi an si ca le an riantuannak kumkhat le cheu a tlin lo caah an cohlan khawh rih lonak hi a si. Kumkhat le cheu a tlin hnu lawng ah cohlan a si te lai.

CMN chungtel phu tonpumhnak ah a kai khomi media phu hna cu; The Chinland Post, Chin World, Zomi Times, Chinland Herald, Khonumthung, The Chin Journal, Lairawn Post, Hardamnak, Ngawn Thuthang le Chinlung Today hna an si.

CMN cu 2014 in thawkmi Chin Media pawl funtomnak phu a si. Chin media tampi chung ah chungtel a lut cangmi hi phu 18 an si cang. Hi phu 18 cu cozah nih cachuahnak nawl pekmi registration a ngeimi lawngte an si. Cu hna cu; The Chinland Post, The Hakha Post, Khonumthung, Chin World, Chin Thuthang, Tahan Times, Matupi Times, The Chin Times, Chin Voice, Chinland Herald, Zomi Times, Zomi Post, Zolenghte, 13 Tedim Post, Tongsang Media, Kcho Post, The Chin Journal le Lairawn Post an si. Hi chung ah catlap in thawngthanhca a chuah ti lomi hi Tahan Times le Kcho Post an si.+++

About The Author

Na ruahning rak langhter ve.. (Leave a comment)

%d bloggers like this: