Mei Mit Ti Lo Ding In Kan I Zuam Lai: Aung San Suu Kyi
TCP-Thantlang| 2019 July 1| Electri mei a mih nak a ruang le thil sining hlathlai in kan hmuh chuah khawh ah cun mei mit ti lo dingin kan i zuam cang lai tiah rampi ruahnak petu Daw Aung San Suu Kyi nih a chim.
June 27 ni ah tuah mi Min-bo khua ni thazaang in pek mi Solar mei peknak sehzung hunnak tuah lio ah a tubantuk in a chim hi a si.
“Mei a mit lengmang tiah an chim tawn, a dik mi zong a si, a si nain caan raulo te mei a mitnak a ruang a um lai. Cu a ruang cu zeiruang bik ah dah a si timi hmuhchuah khawh kan i zuam lai i hi hnu ahcun mei mit ti lo ding kan i zuam cang lai.” tiah a chim.
Atu lio cozah nih kum thum chung rian an tuan mi chungah pengkulh 68, khuate 5191 khua hna ah suimilam 24 chung mei pek khawh cang mi an si i 2016 kum ah Electric mei hmang mi zatuak 34% a si i a tulio ah 44% tiang a kai i 2019 December chungah rampi huap in 50% tiang kai dingin timhtuahnak ngeih a si nak kong a chimchih. (Ref: The Speaker)
About The Author
