Messenger Ah A Lut Mi Facebook Login Click Piak Lo Ding mmCERT Nih Ralrin Peknak A Tuah

TCP-Thantlang| 2019 March 23| Messenger in rak kuatmi Facebook Login Link cu Facebook Account firpiak dingin ca kuatmi thil a si caah Login hmeh in luhpiak lo ding mmCERT phu tuanvo ngeitu nih ralrin peknak an thanh.

Emails, Websites le Banners kongkau (Seih-ba) ah Myanmar-Bangladesh an i dohdal ruangah pumpak le mibu Account tampi phihkhar piak dingin le Messenger in Phishing Link kuat in Facebook Account hrawhpiak ding an i timh mi thil a si caah a tubantuk in ralrin peknak an tuah hi a si.

Mah kong he pehtlai in Emails, Websites le Banners kongkau humhimnak tlai tu Director U Ye Ngaing nih “ Messenger in rak kuat mi Link cu kau lo dingin le luh piak lo dingin cah kan duh hna. Hi kong a thei mi le a thei lo hna sin zongah hi bantuk cakuat a luh paoh ah cun luh le kau piak lo ding a si ko.” tiah  a chim.

Atu lio Messenger cakuat chungah ‘Phishing Link cu Myanmar-Bangladesh Emails, Websites le Banners kongkau ah Kawlram mi nih an hman mi Facebook Account hloh piak an timh mi cu M4L Family nih vemhim nak an tuah piak hna lai’ tiin  Login luh dingin le Messenger chungah ca a kuat hna hi a si.

Massenger in an kaut mi Login na luh in na kau piak ah cun na Facebook Account cu an mah hna nih phihkhar piak dingin an rak tlaih dih cang tinak a si. Cu Messenger i cakuat mi kongah M4L Family nih venhimnak tuahpiak ding timi cu a dik lo mi a si tiah M4l Family nih thawngthanhnak an tuah ve. Hi kongah cu Login lut piak lo ding le midang sin zongah va kuat chin lo ding kong thiamsang hna nih ralrin peknak an tuah.

Ref:The Voice

Na ruahning rak langhter ve.. (Leave a comment)

%d bloggers like this: