Messi Nih Penalty Goal Khawh Lo Tuanbia Thar A Tial Hmasa Bik (Video)
City Hunter| 2018 June 16| June 16 zan Group C in Argentina le Iceland an chuih lio ah Argentina hmaikal Messi nih penalty a sut nain a goal kho lo. Tukum World Cup ah penalty in a hmasa bik goal a sut kho lomi zaanglekcelhtu tuanbia thar a tial. A tanglei ah Messi nih Penalty a sut i a goal khawh lonak video tawite hun zoh chih khawh a si.
June 16 zan ah Group C in Argentina le Iceland an chuih i 1-1 in an tluk. Minute 19 an chuih ah Argentina in hmaikal Sergio Aguero nih a goal. Cun, minute 23 ah Iceland in Alfred Finnbogason nih a goal ve. Minute 64 ah Messi nih penalty a sut i a goal lo. Kawlbawh nih a khampiak.
Argentina nih a chuih in cun an tei tuk hna nain goal an sut kho lo. Messi hrimhrim goal a tlolh tuk. Argentina nih football position 72% in an celhpi hna.
June 14 zan in June 16 zan tiang ah minung 4 nih penalty an sut cang. Tukum World cup ah a hmasa bik penalty a suttu le a goal khotu cu Portugal in C. Ronaldo a si. A dang pahnih penalty a sut I a goal khotu cu; France in Antoine Griezmann le Australia in Mile Jedinak an si. Sihmanhsehlaw, Argentina le Iceland an chuih lio minute 64 ah Argentina nih penalty an ngah. Messia nih a sut i a goal lo, kawlbawh nih a khampiak. Cu ruang ah 1-1 in an i tluk.
About The Author
