Miah-shing-young Simanking Tawlrel Tu Committee Lutlai Le Cazi Dan An Tat Hna
TCP-Thantlang| 2019 March 28| Pago ramthen Ngian-way khuakomh Kayan khua te Miah-shing-young simanking tawlreltu lutlai a si mi U Thein Myint le cazi nu Daw Khin Pyin Ye cu an mah nawl in tangka an tonghtham pin ah sing (110) renglo an i zampi caah Lat-pan-tann palek zung ah taza an cuai hna tiah kan theih.
Lat-pan-tann khuate thanchonak zung lutlai U Hte Zaw nih March 23 ni palek sin ah (pah) 133/2019, upadi pohmah 409/113 ning in taza a cuai hna hi a si.
“Khuate thanchonak zung nih Miah-shing-young tangka cawihnak simanking a tuahmi cu 2018 May 22 ni ah Ka-yan khua te Miah-shing-young tawlreltu lutlai U Thein Myint le cazi nu Daw Khin Pyin Ye nih sing 453 tangka cawi mi sin ah an pek hna. A caan zat in a karh he aa cawimi nih an vun cham mi hna chung in sing 110 leng cu U Thein Myint le cazi nu Daw Khin Pyin Ye nih chuah pi ti lo in an i zam pi caah a tubantuk in taza kan cuai hna hi a si” tiah khuate thanchonak zung lutlai U Hte Zaw nih a chim.
Atu bantuk in Pago ramthen Ngian-way Miah-shing-young tangka cawih mi hi khuakomh 47 an si. Hi hna pahnih an Case (ahmuh) cu palek zungah tette vialte an khomh dih cang. Hi bantuk thil a can ti lo nakhnga tuanvo ngeitu hna nih mizapi sin ah ralrinnak le chimh cawnpiaknak an tuah hna tiah kan theih.
Ref: The Speaker
About The Author
